Aktualitet

Arrestimi i gjyqtares, Rama: Është monstër, vendimet e saj habitën dynjanë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:36 - 13/02/21 |
Doriana Çepunaj

Ndërkohë që po zhvillohet seanca gjyqësore për 10 të arrestuarit në gjykatën e Krujës, Kryeministri Edi Rama ka komentuar sërish sot këtë çështje.

Rama e cilësoi gjyqtaren Enkelejda Hoxha një “mostër” që ka përdorur forcën e pozicionit për të marrë vendimet që sipas tij “kanë habitur dynjanë”. Sipas Ramës, gjyqtarja Hoxha përbën shembullin sesi sistemi do të funksionojë.

Fakti është se një gjykatëse, një monstër që e përdori në mënyrë spektakolare forcën e parëpërgjshmërisë disa kohë me parë dhe u habit gjithë dynjanë me vendimet e saj për të liruar njerëz me dënim të përjetshëm është sot në burg, përbën shembullin sesi sistemi do të funksionojë. Kërkon shumë durim, ngritja institucioneve të reja, janë një proces i vështirë”, u shpreh Rama.

Më tej kreu i qeverisë ka komentuar edhe vendimin e Gjykatës së Strasburgut për gjyqtaren Altina Xhoxhaj. Rama u shpreh se vendimi i Strasburgut tregon se Vetting-u ka qenë i drejtë dhe sipas tij po pastrohet drejtësia.

“Ka ndodhur diçka historike, që ka kaluar thuajse pa u vënë re. Arrestimi i gjykatëses në Krujë dhe i gjithë rrjetit të saj dhe vendimi i Gjykatës së Strasburgut për të refuzuar kërkesën e një subjekti të goditur nga Vettingu, duke e konsideruar goditjen nga Vettingu një goditje legjitime, përbëjnë një moment historik të kalimit në një fazë tjetër në drejtësinë shqiptare. Shumë njerëz unë nuk i keqkuptoj, se po qe puna për frustrim e pakënaqësi nga sistemi i drejtësisë unë jam i pari, pasi marrë shumë lajme të këqija nga ky sistem. Njerëzit i marrin lajmet nga televizori, ndërsa unë më duhet të marrë shumë më tepër nga këto lajme të këqija“, tha Rama.

Pas