Kronikë

Flet 17-vjeçarja: Më jepnin drogë dhe më detyronin të kryeja marrëdhënie


Bëhu pjesë e Grupit Zyrtar të Opinion.al
>> KËTU <<
               Publikuar në : 12:34 - 13/07/20 |
Opi Nion

17-vjeçarja nga Fushë Kruja e cila denoncoi personat që e kishin abuzuar, ka rrëfyer gjatë një interviste historinë e saj. Ajo ka treguar se është droguar dhe abuzuar seksualisht që në moshën 16-vjeçare.

“Jam abuzuar seksualisht që kur isha 16 vjeçe. Me jepnin droga të forta dhe më detyronin të kryeja marrëdhënie me ta. Shpesh herë edhe më dhunonin fizikisht. Më parë kam konsumuar hashash. Kur festova ditëlindjen e 16-të një djalë që më ngacmonte më dha kokainë. Ajo më bënte të mos isha e përgjegjshme për veprimet e mia.  Jam shfrytëzuar si prostitutë për 8 muaj. Para akteve seksuale që kryheshin pa vullnetin tim më jepnin drogë. Ata shfrytëzonin faktin që babai im ishte në burg. Kanë tentuar të më trafikojnë edhe në Greqi. Shpesh më kërcënonin se do abuzonin seksualisht dhe do trafikonin motrat e mia nëse unë i denoncoja”, ka thënë vajza gjatë një interviste në News 24, ndërsa ka shtuar se pas 3 muajsh në një qendër rehabilitimi, ajo tashmë është pastruar nga droga.

Pas denoncimit të 17-vjeçares, policia ka vënë në pranga 4 persona ndërsa 2 të tjerë janë shpallur në kërkim.

Ndërkohë i ati i vajzës ka kërkuar mbrojtje nga shteti, sepse pas denoncimit të 17-vjeçares, në banesën e tyre u hodh lëndë plasëse, që fatmirësisht nuk shpërtheu.

“Shteti të më mbrojë familjen. Një prej personave të shpallur në kërkim më hodhi tritol te shtëpia. Ndihem i kërcënuar. Dua që shteti të më mbrojë jetën e fëmijëve se me bukë i mbaj vetë. Kanë frikë të rrinë në shtëpi. Vajzën ma kanë torturuar për muaj të tërë. Shteti të bëjë drejtësi”, tha ai.

Pas