Kreu i Partisë Demokratike, Lulzim Basha ka reaguar menjëherë pas ironisë së kryeministrit Edi Rama të shprehur në rrjetin social Facebook në lidhje me thirrjen e opozitës së bashkuar për qytetarët që të dalin ditën e shtunë në protestë, për rrëzimin e qeverisë dhe me kërkesë kryesore dorëheqjen e ministrit të Brendshëm, Fatmir Xhafaj.
Mes të tjerash, kryeministri Rama theksoi se audio-përgjimi është një sajesë e esadistëve të rinj kundër çeljes së negociatave me BE-në.
Rama: Lulëzim Basha ju do për një foto në lajmet e botës:Shqipëria në protestë kundër ministrit të brendshëm trafikant droge!Kush do i shkojë pas nesër ta dijë pse po del e mos thotë pastaj nuk e dija që audiopergjimi ishte sajesë e esadistëve të rinj kundër çeljes së negociatave me BE.
Nga ana tjetër, kreu i PD-së Basha i është përgjigjur flakë për flakë kryeministrit Rama, duke i drejtuar një pyetje retorike që do ishte pak e nevojshme për kthim përgjigjeje.
