Banka e Investimeve Citigroup ka pezulluar një zyrtar të lartë të bursës, për arsyen më të pabesueshme. Paras Shah, fitonte mbi 1 milionë paund në vit, plus bonuset, megjithatë kjo nuk e pengonte të vidhte ushqim nga mensa.
Sipas raportimeve, 31 vjeçari Shah vidhte sanduiçë nga mensa e bankës në Canary Wharf dhe është zbuluar nga kamerat e sigurisë. Sapo pamjet u bënë publike, banka vendosi ta pushojë nga puna dhe refuzoi të jepte një shpjegim për këtë ngjarje që tashmë po bën xhiron e rrjetit.
Problemi i bankierit, është në fakt edhe më i thellë se thjesht vjedhja. Quhet kleptomani dhe hyn në shqetësimet e kontrollit të instikteve pasi karakterizohet nga një paaftësi për t’i rezistuar impulsit për të vjedhur objekte për të cilat nuk ke asnjë lloj nevoje.
Këto objekte shpesh nuk kanë asnjë vlerë dhe personi shpesh i kthen ose i hedh por për momentin që kryhet ky veprim iu sjell kënaqësi. Në psikologji kleptomania përkufizohet si një fiksim që bllokon të gjitha idetë e tjera. Lindsay Lohan, Katy Perry, Megan Fox, janë vetëm disa nga Vipat e prekur nga kjo sindromë./Opinion.al
