Një person nga Jamaica shkoi të tërhiqte më shumë se 1 milion dollarë që kishte fituar nga një lotari në shtetin e tij, duke mbajtur veshur maskën nga filmi “Scream” i vitit 1996. Sipas “Washington Post” fituesi ka pohuar se numrat i kishte parë e dëgjuar në ëndërr, e më pas kishte blerë biletën.
Ai u paraqit me pseudonimin A.Campbell dhe me maskë pasi nuk donte të njihej nga familja dhe kusherinjtë, të cilët do ti kërkonin që ti ndante paratë me ta. Fituesi tha se dëshiron që fillimisht të blejë një shtëpi të mirë, teksa shtoi se e adhuron faktin që ka para.
Ai shtoi gjithashtu se që prej ditës që ka fituar ka pasur ankth dhe e ka ndjerë veten të sëmurë, madje aq shumë sa ndonjëherë harronte se kishte fituar.
Kjo nuk është diçka e rrallë në Jamaica, njerëzit i tërheqin paratë në televizion të maskuar, pasi kanë frikë se do ti grabisin apo do ti kërkojnë para./E.M
