Pas dy finaleve të spostuara në vitet 2020 dhe 2021 për shkak të pandemisë, stadiumi “Ataturk” i Stambollit do të jetë arena e sfidës më të rëndësishme të vitit në Europë.
Manchester City dhe Inter do të luajnë për trofeun më prestigjioz për klube, Champions League.
Tifozët e Manchester Cityt kanë filluar të festojnë në rrugët e Stambollit përpara ndeshjes finale të Ligës së Kampionëve me Interin të shtunën.
Vala e parë e tifozëve mund të shihej duke u endur nëpër qendër të qytetit të enjten, duke kënduar dhe kërcyer.
Së shpejti atyre do t’u bashkohen mijëra tifozë të tjerë të Cityt, duke shpresuar të dëshmojnë se ekipi i tyre do të sjellë në shtëpi trofeun e parë të Ligës së Kampionëve.
Një tifoz i Cityt, Kevin Ryan, 45 vjeç, fluturoi drejtpërdrejt në qytet nga Mançesteri me babanë e tij, Liam, 74 vjeç.
Duke folur para një kupe gjigante të Ligës së Kampionëve me fryrje në sheshin Taksim të Stambollit, ai tha se plani i tij ishte të “festonte” nëse Man City fitonte finalen.
Në ato që janë orët të cilat i paraprijnë finales, në Stamboll ka nisur festivali i Champions. Mes skenave për shfaqje argëtuese dhe muzikës, kupa është ekspozuar për publikun.
Entuziazmi është në qiell dhe për një moment, turqit kanë harruar krizën e thellë ekonomike.
Festivali i Champions nisi 48 orë para ndeshjes dhe do të vijojë deri pas finales, ku shumë artistë do të performojnë deri të dielën e 11 qershorit./Opinion.al
