Aktualitet

Fevziu nga Londra:Qindra mijëra njerëz homazhe për Mbretëreshën, të tjerë me orë në radhë



Bëhu pjesë e Grupit Zyrtar të Opinion.al
>> KËTU <<
               Publikuar në : 14:45 - 18/09/22 |
Opi Nion

Britanikët i japin nesër lamtumirën Mbretëreshës Elizabeth II. Sikurse duket në pamjet e mëposhtme të raportuara nga gazetari Blendi Fevzi, i cili ndodhet në Londër, njerëzit kanë nisur të kujdesen që sot për një vend për të marrë pjesë në varrimin e Mbretëreshës.

Gazetari tregon se një linjë e tërë njerëzish janë vendosur që dje në mbrëmje dhe një pjesë tjetër sot në mëngjes për të ruajtur vendin e parë përmes të cilit ata mund të ndjekin funeralin e Mbretëreshës Elizabeth II.

“Britanikët duket se kanë nisur që sot të kujdesen për një vend për të marrë pjesë në varrimin e Mbretëreshën Elizabeth II. Kjo që po shihni këtu është një linjë e tërë njerëzish të vendosur që dje në mbrëmje dhe një pjesë tjetër sot në mëngjes të cilët kanë qëndruar më shumë se 12-13 orë dhe do qëndrojnë dhe 24 orë të tjera për të ruajtur vendin e parë përmes të cilit ata mund të ndjekin funeralin e Mbretëreshës Elizabeth dhe rojen e nderit që do kalojë në këtë rrugë nga Buckingham Palace deri në qendër të apacisë së Westminster ku do të mbahen ceremonitë kryesore. Flamujt janë në gjysëm shtizë ndërsa njerëzit vazhdojnë të bëjnë homazhe në Green Park ku me qindra mijëra njerëz kanë vendosur një pafundësi lulesh në pothuajse disa hektarë të parkut ndërsa pjesa tjetër vazhdojnë të qëndrojnë me orë për të zënë vendin për të qenë në reshtin e parë dhe për të asistuar në një ceremoni që pritet të jetë një ndër më të mëdhatë në historinë e Britanisë së Madhe. Varrimi i dytë shtetëror që nga vdekja e Winston Churchill në 1965 dhe mendohet që do jetë në të njëjtat përmasa të dukës së Wellington që mblodhi 1.5 milionë londinezë. Të paktën 500 krerë shtetesh dhe zyrtarë të lartë kanë konfirmuar praninë për nesër. Ceremonia ka filluar të përgatitet që tani edhe pse britanikët qëndrojnë që prej katër ditëve të fundit në Londër në radhë të pafundme për ti bërë homazhet e fundit ose për ti paguar atë që mund të quhet respektin e fundit Mbretëreshës Elizabeth II. Mbretëreshës më jetëgjatë në historinë e Britanisë së Madhe”- raporton gazetari Blendi Fevzi.

 

 

Pas