Disa veprimtari festive organizohen sot në qytetin e Vlorës në ditën e Shpalljes së Pavarësisë. Policia thotë se për ruajtjen e rendit dhe sigurisë do të mbyllen një sërë rrugësh për automjetet. Ndërsa në disa të tjera ndalohet parkimi.
Ndërsa Kryeministria ka lajmëruar se Edi Rama do të jetë në orën 12:00 në ceremoninë e ngritjes së flamurit kombëtar dhe homazhet në monumentin funerar të Atit të Pavarësisë, Ismail Qemalit, me rastin e 105-vjetorit të shpalljes së pavarësisë.
Më poshtë njoftimi i policisë për rrugët
Nga ora 10:30 deri më 14:00, nuk do të lejohet parkimi i mjeteve në disa prej akseve rrugore, konkretisht :
– Prej fillimit të rrugës tek Shkolla e Aviacionit deri tek rrethrrotullimi i Omonias nuk lejohet parkimi i mjeteve në anën e djathtë të aksit.
-Prej Rrethrrotullimit të Omonias deri tek Shkolla e Muzikës,
-Shkolla e Muzikës deri tek Xhamia nuk lejohet parkimi nga të dyja anët e aksit rrugor.
-Sheshi përpara Xhamisë
-Sheshi tek Pedonalja
-Rrethrrotullimi i skelës deri në hyrje të Lungomares, në të dyja kahët e aksit nuk lejohet parkimi i mjeteve.
-Sheshi përpara Bashkisë
-Rrethrrotullimi i Xhamisë, nuk lejohet parkimi i mjeteve.
