Pas protestës që zhvilluan para paraburgimit të Vlorës, familjarët e 8-vjeçarit, kanë marshuar drejt qytetit për të vazhduar protestën e tyre.
Familjarët e Mateo Vasiut kanë vazhduar tubimin e tyre brenda qytetit të Vlorës, ku kanë vendosur të ulen në mes të rrugës dhe ta bllokojnë atë.
Një zëri dhe me pankarta në duar ata bëjnë thirrje për drejtësi për Mateon e vogël, i cili u vra nga fqinji 38-vjeçar, Klodian Çalamani.
Mësohet se kësaj proteste i janë bashkuar edhe qytetarët e Vlorës.
Familjarët e 8-vjeçarit kërkojnë që 38-vjeçari të marri dënimin me vdekje, duke e konsideruar masën e sigurisë “Arrest me burg” nga Gjykata e Fierit të padrejtë.
Ata mbërritën sot në Vlorë, pasi Klodian Çalamani është transferuar në paraburgimin e Vlorës. Ndërsa familjarët e Mateos tentuan të futen në ambientet e paraburgimit për bërë vetëgjyqësi./Opinion.al
