Kreu i Partisë së Lirisë, Ilir Meta, sikurse kishte paralajmëruar ka dorëzuar sot zyrtarisht kallëzimin penal ndaj anëtarëve të Autoritetit të Dosjeve. Në një postim në “Facebook”, Meta shkruan se ky kallzim penal është bërë për shkeljet e rënda dhe të qëllimshme që i kanë bërë ligjit organik për dosjet e ish-Sigurimit të Shtetit. Po ashtu ai flet për manipulime dhe falsifikime flagrante në shërbim të shantazhit politik, për llogari të Edi Ramës.
“Të dashur qytetare dhe qytetarë,
Sot kam kallëzuar penalisht anëtarët e Autoritetit të Dosjeve për shkeljet e rënda dhe të qëllimshme që i kanë bërë ligjit organik për dosjet e ish-Sigurimit të Shtetit, për manipulimet dhe falsifikimet flagrante në shërbim të shantazhit politik, për llogari të Edi Ramës. Për më shumë detaje, do të zhvilloj një konferencë shtypi në funksion të transparencës para të gjithë qytetarëve shqiptarë”-shkruan Meta.
