Rrjeti social më i madh në botë, Facebook ka prezantuar një aplikacion të ri të quajtur Lifestage, një lloj ditari dixjital për video ku ju jepni të dhëna biografike të vetës suaj dhe pastaj i postoni ato në profilin apo në rrjetin e përbashkët të shokëve të shkollës suaj.
Lifestage ofrohet vetëm për ata që janë 21 vjeç dhe më të rinj dhe ju lejon të shikoni edhe videot e nxënësve të tjerë të shkollës suaj dhe ti njihni ata më mirë.
Sa herë që një përdorues përditëson faqen e tij me informacione të reja, njoftimi shkon tek të gjithë shokët e grupit duke i nxitur ta shikojnë atë.
Aplikacioni ju lejon të zgjidhni shkollën ku bëni pjesë, por ju nuk mund ti shihni profilet e shokëve të tjerë, derisa të formohet një grup prej 20 vetash i së njëjtës shkollë, transmeton krokodili.
Sapo të keni mundësinë e shikimit të profileve të shokëve të shkollës ku bëni pjesë, mund të lidheni dhe të njiheni më mirë me njerëz që kanë të njëjtin aktivitet ashtu si dhe ju.
