Aktualitet

Eurobondi/Rama: Garanci besimi, na ofruan 4.8 herë më shumë se objektivi


Bëhu pjesë e Grupit Zyrtar të Opinion.al
>> KËTU <<
               Publikuar në : 14:27 - 10/06/20 |
Al Do

Kryeministri Rama e ka cilësuar një sukses marrjen e eurobondit 650 milionë euro nga qeveria shqiptare në tregjet kapitale.

Ai deklaroi se kjo ka shërbyer si një garanci për Shqipërinë nga institucionet ndërkombëtare të cilat kanë vlerësuar pozitivisht besueshmërinë financiare të Shqipërisë .

“Kur vendi del në tregjet e kapitaleve jo gjithmonë synimet përputhen me nevojën e tregjeve”, tha Rama duke shtuar se Shqipërisë ju dhanë “4.8 herë më shumë se objektivi”. Kjo sipas kryeministrit mund të ndodhë vetëm pasi qeveria shqiptare është një aktor i besueshëm.

Kemi arritur një rezultat që na inkurajon dhe garanton planin kombëtar Shqipëria 2030 për një transformim të mëtejshëm ekonomik dhe social duke adresuar rindërtimin, rimëkëmbjen sepse Shqipëria ndryshe nga vendet e tjera del nga dy goditje, si dhe ambicien tonë për një shtysë të ekonomisë dhe punësimit në vitet e ardhshme. Ne do të jemi gati me planin e ri kombëtar në një event të veçantë, prezantimi i tij siç e ka bërë me dije edhe Ahmetaj, nuk do të jetë një plan zhvillimi në letër, aq më pak një strategji si dokumenti i përkthyer pastaj në masa por do të jetë një plan veprimi i kategorizuar në afat shkurtër, mesëm dhe gjatë.

Më vjen keq që ky lajm i jashtëzakonshëm nuk ka marrë vendin e duhur, por më vjen edhe më keq që opozita ka vazhduar avazin që në këtë rast nuk shkon fare, pasi bëhet fjalë për popullin shqiptar. Më vjen keq që flitet në mënyrë të ngjashme si fluturimi i balonave tabake pa bisht. PD-ja thotë se duhet të hidhërohemi që morëm borxh, jo të gëzohemi. Ne morëm konfirmim nga tregjet dhe kjo na jep mundësi që të zgjerojmë bazën tonë të financimit të ekonomisë dhe investimeve. Është bazë që konsolidon planin tonë kombëtar “Shqipëria 2030”

“Kur vendi del në tregjet e kapitaleve është në një proces të hapur, ku synimet jo gjithmonë përputhen me kërkesën e tregjeve. Atyre që thonë “hë mo, se borxh morët”, ju kujtoj që çdo njeri që hyn në një sistem bankar nuk mjafton të duash të marrësh borxh, por duhet të gjesh dhe ata që të japin borxh dhe duhet të kenë besim. Është vlerësim për librin e llogarive të vendit”, deklaroi kryeministri Edi Rama.”, tha Rama./ Opinion.al

Pas