Avokati i ish-kryeministrit Sali Berishës, Genc Gjokutaj në një prononcim për mediat tha se ditën e sotme kanë kërkuar përjashtimin e gjyqtares Irena Gjoka.
Ai tha se seanca është shtyrë për në orën 15:00, për të shqyrtuar sakaq kërkesën e tyre.
Gjokutaj tha se gjyqtarja Irena Gjoka është shkarkuar nga detyra nga Berisha në 1996 në cilësinë e kryetarit të KLD-së si President i vendit.
“Ne filluam seancën me pak vonesë pasi gjykata ishte në një gjykim tjetër, bëmë kërkesë paraprake për përjashtimin e gjyqtares Irena GJoka. Është depozituar kërkesa. Është ndërprerë seanca për t’u shqyrtuar kërkesa për përjashtim dhe për të na dhënë një kopje të akteve të prokurorisë në lidhje me objektin e kërkimit.
Seanca është shtyrë për orën 15:30 dhe do ju themi çfarë u bë dhe argumentet.
Absolutisht ajo ka detyrë të heqë dorë, por nuk e bëri këtë veprim pasi në ’96 kjo gjyqtare është shkarkuar nga detyra nga Këshilli i Lartë i Drejtësisë i asaj kohe, i cili kryesohej nga Berisha në cilësinë e kryetarit të KLD-së si President i Republikës”, tha Gjokutaj./Opinion.al
