Bota

Erdogan i sëmurë, merr ilaçe kundër dhimbjes para çdo aktiviteti publik


Bëhu pjesë e Grupit Zyrtar të Opinion.al
>> KËTU <<
               Publikuar në : 18:24 - 04/10/21 |
Opi Nion

Mediat turke shkruajnë se Erdogan mund të mos kandidojë në zgjedhjet e ardhshme në Turqi pasi ka shenja se mund të jetë shumë i sëmurë.

Muajt ​​e fundit, janë transmetuar pamje në të cilat udhëheqësi turk nuk është dukur mirë. Në një video presidenti duket se ka nevojë për ndihmën e gruas së tij teksa përpiqet të ngjitë shkallët.

Në disa pamje të tjera ai duket se ka vështirësi për të ecur në mauzoleun e themeluesit të Turqisë, Mustafa Kemal Ataturk. Dhe, në një video që mori vëmendje të konsiderueshme në korrikun e kaluar, Erdogan duket i zbehtë teksa i ngatërron fjalët gjatë një urimi televiziv për anëtarët e AKP -së.

Ndërkohë në mediat turke thuhet se ai ka filluar të harrojë ngjarje apo episode, ka probleme të frymëmarrjes dhe të vjella. Foreign Policy bën me dije se presidenti turk ka shtuar numrin e mjekëve rreth tij, ka zvogëluar takimet me shtypin dhe është duke u trajtuar me ilaçe kundër dhimbjeve para ngjarjeve publike.

Po ashtu në artikull thuhet se Erdogan e ka thuajse të pamundur që të vijojë të drejtojë Turqinë deri në zgjedhjet e vitit 2023 për shkak të problemeve shëndetësore, por kjo nuk është konfirmuar asnjëherë nga autoritetet turke.

Më tej artikulli vijon, duke theksuar se këto lajme vijnë nga njerëz jashtë Turqisë ose persona kundërshtarë të tij pasi nga rrethi i brendshëm i presidentit, nuk ka asnjë informacion, madje këto lajme i cilësojnë si boshe.

Erdogan, 67 vjeç, ka në pushtet për më shumë se 18 vjet, nuk është i vjetër por nuk është i njëjti person energjik.

Qëndrimi i tij në pushtet në një kohë kaq të gjatë, duket se e ka një kosto, shkruajnë mediat turke./Opinion.al

Pas