Sociale

Eni Çobani: Ai që guxoi të më mbyllë telefonin, do të më njohë se kush jam


               Publikuar në : 20:24 - 21/07/19 |
el ida

Me qëllim që të gjitha palët të kishin mundësi që të jepnin versionin e tyre në seancën e ndërmjetësimit të kësaj të diele, Eni Çobani kontaktoi në telefon nga studioja e “Shihemi në gjyq” vëllain e vogël të Fluturës që jeton në Itali, për ta pyetur mbi arsyet përse nuk i sjell nënës pensionin që i takon.

Vëllai i Fluturës:Nigjo këtu, ti nuk ke punë farë të më marrë mua në telefon njëherë, ta dish, në radhë të parë. Edhe unë me motrën time i zgjidh unë me motrën time.

Eni Çobani: Po nuk keni arritur do t’i zgjidhni problem..

Vëllai i Fluturës: Si mi, ça problemesh me? Ajo të ikë ta çojë burrin në punë, se burri i asaj po ha pensionin e nënës time.

Pas këtyre fjalëve, vëllai i Fluturës mbylli telefonin, duke sjellë edhe reagimin e juristes Çobani.

Eni Çobani: Njerëzit të cilët në këtë lloj kulture dhe edukate me të cilën ne i flasim, me shumë dashuri, marrin guximin dhe mbyllin edhe telefonin, ky meriton një përgjigje edhe nga unë. Pra e para që në këtë mbyllje telefonate unë kuptoj se me kë kam të bëj, me një njeri i cili nuk ka respekt as për njeriun që flet, po për më tepër dhe për rastin për të cilin ne flasim, për nënën e tij. Pra unë i nderuar të kam telefonuar vetëm për një gjë, që ti të më thuash të vërtetën, që ku është pensioni që ti merr me një kartë të nënës tënde, gjë e cila ty nuk të lejohet ta marrësh, që është shkelje flagrante që është vepër penale. Dhe unë po të paralajmëroj që nëse ti do të vazhdosh të mbash këtë qëndrim kundrejt motrës tënde, dhëndrit dhe neve personalisht që po ju lusim të na thoni të vërtetën, atëherë këtu do të ketë organe të tjera që do të merren me ju.

Bashkëshortët Flutura dhe Arbeni janë në prag ndarjeje pikërisht për shkak të këtij pensioni që i takon nënës së Fluturës, e cila është e sëmurë. Arbeni kërkon të largohet sepse nuk mund ta pranojë që të akuzohet padrejtësisht nga kunati, i cili thotë se po i merr paratë e pensionit nënës së tij.

Në fund të seancës zonja Çobani tha se do të kujdeset ajo personalisht që drejtësia të vihet në vend.

Eni Çobani: Ai burrë që guxoi të më mbyllë telefonin live, ai tani do të më njohë se kush jam, që nga ky moment. Me shtetin, me shtetin italian, me Ambasadën Italianë e cila do të merret që kush është ky shtetas në shtetin italian që tërheq një pension në emër të nënë, pa prokurë dhe pa asnjë deklaratë nga nëna e tij. Këtë do ta zgjidhë shteti italian me anë të një kërkese që do të bëjmë ne/Opinion.al

Pas