Është arrestuar personi i cili ekzekutoi pak javë më parë 66-vjeçarin Behar Sofia pranë ‘Piramidës’ në kryeqytet.
Bëhet me dije se ekzekutuesi ka qenë një 23-vjeçar, i identifikuar si Ernejt Shyti. Teksa i riu vetë ka pranuar vrasjen, ekspertet e kanë verifikuar edhe prej ADN-së të lënë në rrobat e tij. Të arrestuar janë dhe 3 bashkëpunëtorët e 23-vjeçarit.
Të arrestuarit si bashkpuntorë mësohet se janë nga Krraba dhe Fushë Krujë. Ekzekutimi i Sofisë dyshohet se është kryer per para.
Mësohet se i riu e ka ndjekur për 3 ditë Behar Sofinë, teksa ditën e vrasjes ai kishte dalë herët nga banesa me biçikletën e tij, të cilën e kishte lënë poshtë urës së Lanës.
Pasi ka kryer vrasjen autori ka marrë biçikletën dhe është larguar në drejtim të liqenit ku dhe ka ndërruar rrobat që mbante veshur.
Më pas ai ka shkuar në ambientet e basnesës së tij, ku dhe nuk ka dal për gjithë pjesën tjetër të ditës.
Mësohet se 23-vjeçari është strehur në Podgoricë pas kryerjes së vrasjes së Sofisë, në shtëpinë e një shoku të tij./Opinion.al
