Automjeti i cili shpërtheu mëngjesin e sotëm në kryeqytet është i shtetasit Saimir Naski. Sipas “News24” Naski, i cili është nga Berati, njihet si ndërtues.
Kujtojmë që makina, e cila është konfirmuar nga blutë që ka shpërthyer si pasojë e lëndës plasëse, ka qenë e parkuar në garazhin e një pallati në Qesarakë. Fatmirësisht nga shpërthimi nuk pati të lënduar, por vetëm dëme materiale.
Policia ka nisur hetimet për zbardhjen e ngjarjes, ndërkohë që pritet dhe dëshmia e pronarit të mjetit për të zbuluar ndonjë konflikt të mundshëm.
Informacioni paraprak:
Më datë 23.01.2021, rreth orës 07:40, në fshatin Qesarakë, mjeti i parkuar në garazhin e një pallati në pronësi të shtetasit S. N, ne rrethana të paqarta dyshohet se ka shpërthyer si pasojë e lëndës plasëse, duke shkaktuar vetëm dëme materiale.
Në vendin e ngjarjes ndodhet grupi hetimor dhe po punohet për sqarimin e rrethanave të kësaj ngjarje /Opinion.al
