Një 35-vjeçar është arrestuar nga policia pasi ka përndjekur për një periudhë tremujore 4 nxënëse të një shkolle 9-vjeçare në Shkodër. Mësohet se ka rënë në pranga shtetasi Elson Zaganjori, banues në Shkodër.
Kanë qenë nxënëset që kallëzuan në polici se një shtetas i përndiqte prej disa muajsh, dhe iu dërgonte përmes rrjeteve sociale, materiale filmike me përmbajtje të papërshtatshme.
Si rrjedhojë efektivët ndaluan dhe vunë në pranga shtetasin Elson Zaganjori.
Vijojnë veprimet hetimore, në bashkëpunim me Prokurorinë, me qëllim verifikimin e plotë të këtyre kallëzimeve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprën penale “Përndjekja”, ndaj të miturve.
