Policia e Tiranës ka arrestuar një 22-vjeçar të shpallur në kërkim për akuzën “Mashtrim kompjuterik”.
Policia sqaron se në pranga ka rënë i riu i identifikuar si Endri Karimanllari. Në kuadër të operacionit të koduar “Transferta” kanë rënë në pranga 10 persona.
Për 22-vjeçarin është caktuar nga Gjykata e Tiranës masa e sigurisë “Arrest me burg”. I riu, në bashkëpunim me shtetasit e tjerë të arrestuar, për një periudhë 1-vjeçare, ka ndërhyrë në llogari të ndryshme të rrjetit social Facebook, duke ndryshuar të dhënat e tyre dhe më pas i kanë përdorur për të komunikuar me miq të këtyre llogarive.
Me anë të mashtrimit kanë kërkuar shuma të ndryshme monetare dhe si rezultat kanë përfituar shumën 38000 euro.
Ndërkohë, vijon puna për dokumentimin dhe mbledhjen e provave të tjera, si dhe për evidentimin dhe arrestimin e personave të tjerë të përfshirë në këtë aktivitet të kundërligjshëm. Materialet i kaluan Prokurorisë së Rrethit Gjyqësor Tiranë, për veprime të mëtejshme”./ Opinion.al
