Aktualitet

Emri/ Mori me dhunë bashkëshorten nga puna, e çoi në lokal dhe e rrahu, në pranga i riu



Bëhu pjesë e Grupit Zyrtar të Opinion.al
>> KËTU <<
               Publikuar në : 09:50 - 08/12/22 |
Opi Nion

33-vjeçari Amarildo Shabani, është arrestuar nga Policia e Tiranës, pasi akuzohet për dhunë ndaj bashkëshortes së tij.

Mësohet se Shabani e ka marrë më forcë bashkëshorten nga vendi i punës dhe e ka futur në makinë, ku dhe e ka goditur në pjesë të ndryshme të trupit, ndonëse ajo ishte e pajisur me urdhër mbrojtje nga gjykata prej gjashtë muajsh.

Kanë qenë kolegët e saj, të cilët kanë njoftuar policinë, ku më pas këta të fundit kanë bërë të mundur arrestimin e 33-vjeçarit.

Motivet e të gjithë zënkave mes tyre mësohet se janë vetëm për shkak të xhelozisë. Prej kohës që gruaja ka qenë me urdhër mbrojtje kanë jetuar në shtëpi të ndryshme, por herë pas here e ka kërcënuar, dhunuar e debatuar.

Gruaja është pajisur gjatë ditës së djeshme sërish me urdhër mbrojtje, teksa 33-vjeçari Shabani do të dalë para gjykatës për masë sigurie në vijim për akzuat “heqje të paligjshme të lirisë”, “dhunë në familje” dhe “veprime në kundërshtim me vendimin e gjykatës”./Opinion.al

Pas