Një 34-vjeçar është gjetur i pajetë mëngjesin e kësaj të premteje në Fushë-Krujë. Sipas policisë trupi i pajetë është konstatur rreth orës 08:20, në një rrugë dytësore në lagjen “Bakishe Visha”.
Viktima është identifikuar si shtetasi Indrit Ndoj, 34 vjeç, banues ne fshatin Hasan, Krujë.
Bëhet me dije se nga kqyrja paraprake është vënë re se në trupin e pajetë të të riut ka një dëmtim në këmbë që dyshohet të jetë shkaktuar nga arma e zjarrit.
“Rreth orës 08:20, në lagjen “Bakishe Visha”, Fushë Krujë, në një rrugë dytësore është gjetur i pajetë shtetasi I. N., 34 vjeç, banues ne fshatin Hasan, Krujë. Nga këqyrja paraprake, është konstatuar se 34-vjeçari ka një dëmtim në këmbë që dyshohet të jetë shkaktuar nga armë zjarri.”-njofton policia.
Në vendin e ngjarjes ndodhet grupi hetimor dhe nën drejtimin e Prokurorisë pranë Gjykatës së Rrethit Gjyqësor Krujë vijon puna për sqarimin e rrethanave të ngjarjes.
