Kronikë

Emri/ Atentati në Tiranë, vëllain e të plagosurit vranë në Rrëshen


Bëhu pjesë e Grupit Zyrtar të Opinion.al
>> KËTU <<
               Publikuar në : 20:06 - 15/09/20 |
Opi Nion

Pasditen e sotme një makinë shpërtheu teksa ishte në ecje si pasojë e vendosjes së një sasie tritoli pasditen e sotme tek ish- zona e NSHRAK në Tiranë.

Nga ky shpërthim mbeti i plagosur rëndë Preng Gjini, i cili aktualisht ndodhet në spital dhe po merr ndihmën e nevojshme mjekësore.

Preng Gjini është vëllai i Armando (Tonin) Gjinit që u ekzekutua në Rrëshen. Ky i fundit ishte bashkëpunëtor i Met Kananit . Armando Gjini u qëllua për vdekje me armë zjarri më 12 gusht të 2019.

Armando (Tonin) Gjini në momentin e ekzekutimit  po  lëvizte me makinë bashkë me dy fëmijët dhe bashkëshorten e tij, kur dy persona kanë qëlluar me armë zjarri duke e lënë të vdekur 48-vjeçarin.

Tre muaj më para se të ekzekutohej në Rrëshen Armando (Tonin) Gjinit ii kishin vendosur tritol në makinë, e cila shpërtheu pasi ai ishte larguar për të dërguar fëmijët në shkollë.

Armando Gjini u arrestua me 12 maj 2018 si pjesë e grupit të baronit të drogës, Met Kanani.

Në kuadër të operacionit ‘Precizioni’ Gjini u arrestua së bashku me 37 persona të tjerë dhe u sekuestruan 8 ton drogë.  Por 4 ditë pas arrestimit, Gjini u lirua nga burgu, duke u ekzekutuar me armë më 12 gusht të 2019./Opinion.al

 

Pas