Policia e Vlorës ka arrestuar një 37-vjeçar i cili ishte shpallur në kërkim ndërkombëtar për trafik të lëndëve narkotike.
Sipas autoriteteve, i arrestuari është identifikuar si Denis Hysaj, i cili rezulton i dënuar nga Gjykata e Romës me 8 vite burgim.
Ndërkohë,m autoritetet kanë nisur procedurat për ekstradimin e tij drejt Italisë, ku dhe do të vuaj dënimin.
Njoftimi i policisë:
Vlorë
Kapet një tjetër person i shpallur në kërkim ndërkombëtar për veprimtari kriminale në fushën e narkotikëve.
Operacioni, nga Drejtoria Vendore e Policisë Vlorë, në bashkëpunim me Interpol Tirana.
Vihet në pranga 37-vjeçari i dënuar me 8 vite burg, me qëllim ekstradimi drejt shtetit italian.
Strukturat e Drejtorisë Vendore të Policisë Vlorë, në vijim të punës intensive për kapjen e personave të shpallur në kërkim kombëtar e ndërkombëtar, si dhe mbi bazën e informacioneve të marra në rrugë operative, kanë kapur dhe arrestuar provizorisht, me qëllim ekstradimi, shtetasin:
Denis Hysaj, 37 vjeç, banues në fshatin Gjormë, Vlorë.
Ky shtetas ishte shpallur në kërkim ndërkombëtar, pasi Gjykata e Romës, Itali, me vendimin e datës 16.11.2018, e ka dënuar me 8 vite burgim, për veprën penale “Trafikimi i lëndëve narkotike”.
Materialet i kaluan Prokurorisë pranë Gjykatës së Shkallës së Parë Vlorë, për veprime të mëtejshme./ Opinion.al
