Një ngjarje e rëndë është regjistruar në Elbasan. 37-vjeçari Ramis Mici ka vrarë me thikë bashkëjetuesen e tij në orët e para të mëngjesit të sotëm.
Ngjarja e rëndë ka ndodhur në lagjen “Skenderbej” të qytetit. Mici ka qëlluar me thikë bashkëjetuesen e tij Etlira Elezi e cila nuk ka mundur t’u mbijetojë plagëve të marra.
Rrethanat e ngjarjes nuk dihen ende, ndërsa policia po punon për kapjen e autorit. Etlira Elezi kishte gjashtë vite që bashkëjetonte me Micin. Ata kishin një shtëpi me qira në lagjen “Skënderbej”. Ajo ishte nga qyteti i Belshit, dhe kryesisht të dy ishin pa punë të qëndrueshme.
