Kronikë

Emrat/ Zbardhet vrasja e vëllezërve Bilali, dy në pranga


               Publikuar në : 09:12 - 26/04/19 |
geliano fataj

Rreth 1 muaj nga vrasja e dy vëllezërve Bilali, policia thotë se ka zbardhur ngjarjen. Në një njoftim zyrtar policia e Shkodrës thotë se në operacionin e koduar “Livadhe” janë vënë në pranga dy të rinj, ndërsa janë shpallur në kërkim dy të tjerë.

Në pranga ka përfunduar 29-vjeçari Arsen Stojku si dhe 23-vjeçari Myslim Rama. Të dy, sipas policisë, janë autorët e dyshuar se qëlluan mbi vëllezërit Bilali. Një nga personat e shpallur në kërkim, 26-vjeçari me inicialet I.L është i dyshuari kryesor për këtë ngjarje, ndërsa tjetri dyshohet se ka ndihmuar autorët në këtë krim.

Në 30 mars Astrit dhe Brahim Bilali u qëlluan sapo dolën nga banesa. Pranë trupit të viktimës Astrit Bilali u gjet një pistoletë, me të cilën dyshohet se i ndjeri u kundërpërgjigj me zjarr ndaj atentatorëve.

Sipas policisë, makina tip “Benz” që përdorën ekzekutorët ishte shpallur e vjedhur që nga viti 2018 dhe ishte me targa false. Në automjetin e djegur u gjet edhe arma automatike me të cilën u krye vrasja. Astrit Bilali ishte babai i ish-boksierit Asmer Bilali, i arrestuar si pjesë e grupit kriminal Bajri në Shkodër./ Opinion.al

Pas