Një krim i rëndë brenda familjes ka ndodhur në qytetin e Vlorës. Viktima mësohet se është 42-vjeçarja, Eva Lera ndërsa autori Teodor Lera 53 vjeç. Ata ishin prindër të tre fëmijëve, për të cilët nuk dihet nëse ata kanë qenë në banesë kur ndodhi ngjarja.
Sipas “Balkanweb” burri ka mbytur me duar bashkëshorten e tij gjatë një sherri dhe më pas ka prerë damarët e dorës. Sipas raportimeve të para ngjarja ka ndodhur në një banesë pranë Drejtorisë së Policisë së Qarkut Vlorë rreth orës 12:20. Autori është dërguar në spital por ndodhet në gjendje të rëndë pasi ka humbur shumë gjak.
Nuk dihen ende rrethanat e konfliktit që degradoi në deri në vrasje, por “Balkanweb” raporton se mes çiftit ka pasur grindje të vazhdueshme madje ngjarja është një tragjedi e paralajmëruar. Para disa kohësh çifti Lera përfundoi në polici, pasi Teodori i kishte çarë kokën gruas së tij./E.M
