Detaje të reja janë zbardhur lidhur me operacionin ant-drogë në Korçë gjatë orëve të mbrëmjes, ku u sekuestruan 114 kg lëndë e dyshuar narkotike kanabis.
Përveç sasisë lëndës narkotike, policia sekuestroi 1 armë sportive, 4 automjete, 1 presë që shërbente për paketimin e lëndës narkotike.
Policia bën me dije se janë arrestuar 4 person, mes tyre dhe një avokat i identifikuar si Joni Mosku. Sipas informacioneve, tre të arrestuarit e tjerë rezultojnë me precedent penal të mëparshëm.
Konkretisht në pranga kanë rënë, Ligor Romaçka, 29 vjeç, banues në Korçë; Joni Mosku, 36 vjeç, banues në Korçë i dënuar më parë për veprën “Prodhimi dhe shitja e narkotikëve”; Idriz Manej, 66 vjeç, banues në Shkodër, i dënuar më parë për veprën “Trafikimi i narkotikëve”; Albion Çiko, 21 vjeç, banues në fshatin Vloçisht, Maliq i cili ishte me masë sigurie “Arrest në shtëpi” për veprat penale “Ndihma për kalim të paligjshëm të kufijve” dhe “Mosbindja ndaj urdhrit të punonjësit të policisë së rendit publik”.
Policia sqaron se goditja e këtij grupi është bërë në Pikën e Kalimit Kufitar Goricë, ku si fillim u bë kapja e Joni Mosku, me mjetin tip “Opel Meriva”, brenda të cilit iu gjet e fshehur 66 kg lëndë e dyshuar narkotike kanabis.
Më tej gjatë kontrollit të një magazine në Korçë, të marrë në përdorim nga Ligor Romaçka, në brendësi të një mjeti tip “Opel Meriva”, pa targa, pa dokumentacion, u gjet një sasi tjetër prej 48 kg lëndë e dyshuar narkotike kanabis dhe një presë që shërben për paketimin e lëndës narkotike, si dhe gjatë kontrollit të banesës së tij, u gjet një armë sportive tip pistoletë.
Nga hetimet rezulton se bashkëpunëtorë në këtë veprimtari kriminale ishin edhe Idriz Menaj, në rolin e poseduesit të lëndës narkotike dhe Albion Çiko, i cili kishte kryer modifikimin e mjetit, me qëllim fshehjen e sasisë së lëndës narkotike
