Bota

Emra të rinj rrugësh në Bruksel, Belgjika lufton me të kaluarën koloniale


Bëhu pjesë e Grupit Zyrtar të Opinion.al
>> KËTU <<
               Publikuar në : 14:40 - 25/06/20 |
Al Do

Banorët e rrethit Etterbeek në Bruksel kanë vënë re disa ndryshime tek emrat e rrugëve të njohura të qytetit. Si pjesë e një projekti të ri nga pushteti vendor, disa pllaka u janë shtuar rrugëve që mbajnë emrin e figurave koloniale, në të cilat shkruhen emrat e individëve që ishin aktivë në luftën globale për barazi, duke përfshirë Rosa Parks, Berta Cacéres dhe Kebedech Seyoum.

Projekti duhej të kishte nisur në mars, në Ditën Ndërkombëtare të Gruas, por bllokimi prej koronavirusit bëri që ai të shtyhej.

Protestat e fundit kundër-racizmit i kanë dhënë kuptim të ri kësaj nisme. Françoise de Halleux, nënkryetari i bashkisë së Etterbeek, tha se zemërimi i shfaqur në protestat nëpër rrugë dhe mbishkrimet në statujat e epokës koloniale, janë dëshmi e zhgënjimit të përgjithshëm, dhe se e tashmja është momenti për t’i dhënë fund diskriminimit.

‘Njerëzit nuk kanë të njëjtën jetesë për shkak të ngjyrës së tyre të lëkurës, faktit nësë janë burrë apo grua, apo për shkak të orientimit të tyre seksual,’ – tha Halleux.

Shenjat e reja të vendosura në rrugë, nuk janë të dizajnuara të jenë të përhershme dhe do të mbeten në fuqi vetëm për nëntë muajt e ardhshëm. Por deri më tani banorët vendas e kanë mirëpritur projektin, siç kanë OJQ-të kundër racizmit, edhe pse ata kanë theksuar se shoqëria belge duhet të shkojë përtej simboleve./ Opinion.al

Pas