InstaBIZ

Emina Cunmulaj pret flokët shkurt për motivin prekës


               Publikuar në : 10:59 - 14/05/19 |
xhu lia

Modelja me origjinë shqiptare Emina Cunmulaj ka vendosur të ndryshojë modelin e saj të flokëve duke i prerë flokët e saj të shkurtra.

Nëse të gjithë mund  të mendojnë se Emina e ka bërë diçka të tillë pasi ka dashur thjesht të ndryshojë pamje,  nuk është kjo arsyeja.

Përmes një postimi të gjatë ajo është shprehur se i ka prerë flokët në mënyrë që t’i dhurojë për personat e prekur me kancer.

Nëna e saj ka ndërruar jetë nga kjo sëmundje 5 vite më parë dhe për këtë arsye është një temë shumë sensitive për Eminën.

“Unë mendoj ndryshe. Nuk mendoj se jeta duhet të jetë gjithnjë për mënyrën si bota duhet të të shohë, apo se si ti mendon që bota do të të shohë. Unë mendoj se duhet të jesh si ti do ta shohësh veten. Dhe nëse ajo është me flokë të shkurtra, lëre të jetë me flokë të shkurtra. Nëse do me flokë të gjata, lëri flokët të gjatë. Unë humba mamanë rreth 5 vjet e gjysmë më parë, siç mund ta dini për shkak të kancerit. Dhe rreth 6 muajve të parë, u ndjeva fajtore sepse kisha flokë të bukura të gjata dhe shihja mamanë që shkonte në kimioterapi dhe sa e tmerrshme ishte për të të mos kishte flokë. Dhe vendosa të prisja flokët dhe t’i dhuroja për bamirësi. Pasi u bëra me 2 vajza të bukura, flokët e mi u rritën sërish shumë gjatë. Dhe thjesht ndjeva nevojën që nuk ka pse të kem çdo gjë në këtë botë, sepse i kam. Jam e bekuar me shëndet. Dhe ndonjëherë të pasurit gjithçka nuk do të thotë të ndihesh sikur ke gjithçka. Dhe kështu duke prerë flokët dhe duke ja dhënë dikujt që ka nevojë më shumë se unë, duke i dhuruar një buzëqeshje në fytyrë, kjo më bën të lumtur. Dhe prandaj i preva,”-theksoi Emina për këtë gjest që kanë bërë./Opinion.al/

Pas