Gjatë një kontrolli në një shtëpi në Burn Close (Billericay) në Britani, policia u bë dyshuese pasi pa në dritare letër plastike që mbulonin pamjen.
Oficerët pasi nuk morën asnjë përgjigje nga trokitja në dyer, vendosën të hynin brenda nga një dritare e hapur në katin e parë.
Pas kësaj, një prej oficerëve ishte përballë Shkëlqim Skarai, i cili la punonjësit e policisë të hynin ndërsa vetë zbriti shkallët poshtë.
Shqiptari tentoi të arratisej, por u kap nga policit pas një ndjekjeje të shkurtër në këmbë.
25-vjeçari, i cili jeton ilegalisht në Britaninë e Madhe, u dërgua në polici ndërsa oficerët vazhduan kontrollin në shtëpi.
Ata gjetën 233 rrënjë bime kanabisi që do të prodhonin një lëndë narkotike me vlerë 113 mijë paund. Bimët po kultivoheshin në tri dhoma.
Skarai pranoi se kishte hyrë ilegalisht në Britani, duke shtuar se i ishin premtuar 1 mijë paund për t’u kujdesur për ujitjen e bimëve.
Avokati i tij tha se, kishte më pak se një muaj që jetonte në këtë shtëpi dhe se nuk ishe paguar përveç disa ushqimeve që i ishin dhënë.
25-vjeçari është dënuar me 12 muaj burg dhe në përfundim të dënimit të do të dëbohet për në Shqipëri./panorama
