Elvana Gjata i është rikthyer aktivitetit muzikor, me një koncert me rastin e Pavarësisë së Kosovës. Ne një intervistë për “Klan Kosova”, Elvana Gjata është shprehur e emocionuar që do të ketë mundësi të përqafohet sërish me publikun mbrëmjen e 17 shkurtit.
“Falenderoj Anita Haradinajn që ka organizuar këtë event të jashtëzakonshëm. E falenderoj që ka qenë në krahun tim dhe ka bërë të mundur të përqafohem edhe një herë me publikun dhe t’ia jap shpirtin mbrapsh në këtë koncert”, u shpreh ajo për Klan Kosovën.
Por çfarë do të ketë koncerti i saj në Kosovë? “Do të jetë akustiku im i fundit, do të ketë një kolazh shumë të bukur, do të jetë një mbrëmje plot magji”, tha ajo.
Gjithashtu ajo la të kuptohej se së shpejti do të publikojë edhe një këngë të re. Më poshtë mund të ndiqni intervistën e plotë.
