Një 56-vjeçar ka mbetur i plagosur gjatë një aksidenti të ndodhur mbrëmjen e sotme rreth orës 20:05 në aksin Elbasan-Peqin, pranë fshatit Murras.
Mësohet se një makinë ka përplasur qytetarin e identifikuar me inicialet V.H, banues në Cërrik, teksa ishte duke udhëtuar me biçikletë dhe më pas është larguar.
I plagosuri është transportuar në spital për ndihmë mjekësore dhe ndodhet jashtë rrezikut për jetën.
Grupi hetimor ndodhet në vendngjarje dhe po punon për identifikimin e drejtuesit të mjetit dhe zbardhjen e shkakut të aksidentit.
