Tre persona janë arrestuar në Elbasan për vepra të ndryshme penale.
Nga ana tjetër sipas njoftimit të policisë janë proceduar penalisht dhe 2 shtetas që ushtronin veprimtarinë e kundërligjshme të lojërave të fatit në subjektet e tyre.
“F. D., 41 vjeç dhe K. Z., 58 vjeç, pasi nga kontrolli i ushtruar në ambientet e lokaleve në pronësi të tyre u konstatua se ushtronin aktivitetin e kundërligjshëm të lojërave të fatit. Në cilësinë e provës materiale u sekuestruan 2 aparate celulare me faqe të hapura për baste sportive.” – thuhet në njoftimin e policisë për 2 shtetasit e proceduar.
Ndërkohë që sa u përketë të arrestuarve, policia njofton se në pranga kanë rënë “S. S., 38 vjeç, banues në Cërrik, pasi u kap nga shërbimet e Policisë Rrugore duke drejtuar motoçikletën pa leje drejtimi;
B., 27 vjeç, banues në fshatin Babje, Librazhd, pasi duke drejtuar mjetin tip “Benz”, në gjendje të dehur, ka goditur nga mbrapa dy mjete të parkuara.
Nga specialistët për Hetimin e Krimit në Komisariatin e Policisë Elbasan u arrestua në flagrancë shtetasi M. C., 18 vjeç, banues në Elbasan, pasi ka përndjekur dhe shqetësuar vazhdimisht ish-të dashurën.” – përfundon njoftimi i policisë./Opinion.al
