Robert Hall, një shtetas kanadez i cili prej muajit shtator 2015 ishte peng i grupit terrorist Abu Sayyaf në Filipine është ekzekutuar.
Hall ishte marrë peng bashkë me tre persona të tjerë, një kanadez, një filipinas dhe një norvegjez, transmeton tch.
Mediat raportojnë se ekzekutimi i tij ka ardhur pas përfundimit të afatit të vendosur nga terroristët të cilët kërkojnë një shumë të konsiderueshme parash për lirimin e pengjeve.
Ka qenë kryeministri kanadez, Justin Trudeau, ai i cili ka konfirmuar edhe lajmin e ekzekutimit të Hall.
“Me keqardhje kam arsye të besoj se një shtetas kanadez, Robert Hall, i cili mbahej peng në Filipine prej 21 shtatorit 2015 është vrarë nga rrëmbyesit e tij”, ka deklaruar Trudeau.
