Bota

Ekstremizmi islamik/ Franca nis kontrollet në xhami: Do të mbyllen nëse…


Bëhu pjesë e Grupit Zyrtar të Opinion.al
>> KËTU <<
               Publikuar në : 20:36 - 03/12/20 |
Opi Nion

Autoritetet franceze kanë nisur inspektimet në dhjetëra xhami dhe salla lutjeje të dyshuara për lidhje me ekstremizmin islamik.

Ministri i Brendshëm, Gérald Darmanin njoftoi se disa prej tyre do të mbyllen nëse zbulohet se inkurajojnë “separatizmin”.

Ky veprim vjen një javë para vendosjes së një ligji të ri për të luftuar ekstremizmin dhe si një përgjigje ndaj sulmeve në tetor, për të cilat fajësojnë islamikët, përfshirë prerjen e kokës së mësuesit Samuel Paty. Darmanin u shpreh se do të ketë kontrolle për 76 xhami dhe salla lutjesh, 16 prej tyre në rajonin e Parisit, raporton BBC.

Ai urdhëroi ndërhyrjen e menjëhershme në 18 prej tyre.

Në një postim në Twitter, Ministri i Brendshëm e quajti inspektimin një veprim masiv për të luftuar separatizmin. Inspektorët shtetërorë do të shqyrtojnë financimin e tyre, lidhjet e imamëve dhe shkollat ​​e mundshme Kuranike për fëmijët e vegjël. Autoriteti i ministrit Darmanin është dëmtuar ditët e fundit nga një varg protestash në lidhje me abuzimet e policisë në Francë dhe një ligji të ri, të propozuar për të mbrojtur identitetin e oficerëve të policisë.

76 adresat e xhamive dhe qendrat e lutjeve të listuara për t’u vizituar nga inspektorët janë vetëm një pjesë e rreth 2,600 vendeve të adhurimit mysliman në Francë.

Pothuajse të gjithë myslimanët në Francë respektojnë ligjet e republikës dhe dëmtohen nga radikalizimi”, tha Gérald Darmani.

Kujtojmë që Franca është tronditur pak kohë më parë nga prerja e kokës së Samuel Paty dhe goditja fatale me thikë e tre personave në një katedrale në Nice./Opinion.al

Pas