SINAI (Egjipt) – Një avion rus me 224 pasagjerë dhe pjesëtarë ekuipazhi në bord është rrëzuar në Sinai të Egjiptit. Ngjarja e rëndë tani është konfirmuar nga autoritetet egjiptiane. Avioni po udhëtonte nga Sharm el-Sheikh drejt qytetit rus të Shën Petersburgut, kur u zhduk nga radarët. Avioni tip A321 Airbus ishte i linjes ajrore ruse Kogalymavia. Ministria egjiptiane e Aviacionit Civil konfirmon aksidentin tragjik ”Copa nga avioni janë gjatur pranë aeroportit al-Arish, në gadishullin e Sinait”, thuhet ne njoftim. ”Në avion ishin 217 pasagjerë dhe shtatë anëtarë ekuipazhi, kur aeroplani u ngrit nga Sharm al-Sheikhu, gjatë orëve të para të mëngjesit”, theksoi ajo. “Një ekip hetimor është nisur drejt vendngjarjes”, tha Ministria egjiptiane e Aviacionit Civil.
