Kronikë

Efektivi ra në humnerë,policia:U nxor pas 12 orësh,do transportohet drejt Tiranës


Bëhu pjesë e Grupit Zyrtar të Opinion.al
>> KËTU <<
               Publikuar në : 12:44 - 28/05/22 |
Opi Nion

Policia ka dhënë detaje nga ngjarja e ndodhur në Dukagjin ku ra në humnerë një efektiv. Përmes një njoftimi për mediat bëhet me dije se ngjarja ka ndodhur ditën e djeshme rreth orës 12:00, në një zonë malore të fshatit Shosh, Dukagjin gjatë një kontrolli në terren.  Njëri nga efektivët e grupit të kontrollit, konkretisht Nënkomisar Rrok Frroku, 54 vjeç, si pasojë e terrenit mjaft të thepisur, është rrëzuar dhe ka rënë në humnerë. Si pasojë, efektivi ka marrë lëndime të shumta në trup.

Ndër të tjera policia thotë se pas 12 orë përpjekjesh, është bërë e mundur nxjerrja nga humnera e efektivit të Policisë deri në një pikë ku mund të ulet helikopteri me qëllim transportimin e tij drejt Tiranës, për ndihmë mjekësore të specializuar.

Njoftimi i policisë

Me datë 27.05.2022, rreth orës 12:00, në një zonë malore të fshatit Shosh, Dukagjin gjatë kontrollit në terren, në kuadër të planit të masave për kontrollin e territorit, për goditjen e veprimtarisë kriminale të kultivimit të bimëve narkotike, njëri nga efektivët e grupit të kontrollit, konkretisht Nënkomisar Rr. F., 54 vjeç, si pasojë e terrenit mjaft të thepisur, është rrëzuar dhe ka rënë në humnerë.

Për pasojë, shtetasi Rr. F. ka marrë lëndime të shumta në trup.

Shërbimet e Policisë dhe disa grupe të RENEA-s, në bashkëpunim me shërbimet mjekësore pranë Spitalit Rajonal Shkodër, nën drejtimin e Drejtorit të Policisë Shkodër, pas 12 orë përpjekjesh, kanë bërë të mundur nxjerrjen nga humnera të efektivit të Policisë, deri në një pikë ku mund të ulet helikopteri apo të bëhet tërheqja e tij me litarë, me qëllim transportimin e tij drejt Tiranës, për ndihmë mjekësore.

Ekipi i urgjencës mjekësore i ka dhënë ndihmën e pare oficerit të Policisë dhe po e mban nën monitorim, së bashku me shërbimet policore, deri në mbërritjen e helikopterit, pasi transportimi i mëtejshëm nga shërbimet e Policisë, zjarrfikësit dhe shërbimet e urgjencës mjekësore është i pamundur, për shkak të terrenit shumë të vështirë.

Nga pika fundore e rrugës që shkon automjeti deri në vendin ku aktualisht ndodhet punonjësi i Policisë i dëmtuar, është 6 orë me këmbë dhe një terren shumë i vështirë që e bën të pamundur transportimin me krahë, të punonjësit të Policisë./Opinion.al

Pas