Sport

Edi Reja nuk bindet, kuqezinjtë vijojnë me përgatitjet


               Publikuar në : 18:02 - 25/05/19 |
geliano fataj

Kombëtarja vijoi edhe të shtunën me përgatitjet në Durrës. Lojtarët e grumbulluar nga Edi Reja zhvilluan edhe dy ndeshje të shkurtra brenda grupit ku trajneri përdori edhe rreshtimin 4-4-2.
Megjithatë është ende herët për të vlerësuar mënyrën se si do të luajnë kuqezinjtë ndaj Islandës dhe më pas me Moldavinë.

Grumbullimi i tij i parë dhe mjaft i gjatë, në stolin kuqezi, po shfrytëzohet edhe si një seleksionim, pra përzgjedhje e lojtarëve . Në grupin e lojtarëve të kombëtares dhe të Shqipërisë 21, që kanë punuar së bashku me italianin, bëjnë pjesë 4 lojtarë të Partizanit, portieri Hoxha, Trashi, Telushi dhe Asani, ndërsa është thirrur edhe një djalë i ri nga Tirana.

Jurgen Çelhaka, 20 vjeç, është pjesë e Shqipërisë U20. Nga Sllovakia, ndërkaq, mësohet se në ekipin përfaqësues do të jetë edhe Kristi Qose, lojtar i Ruzhomberokut në Ligën e Parë sllovake.

Ai realizoi me penallti në formë Panenka, në humbjen 2-4 të pësuar së fundmi nga ekipi i tij në fushën e Zhilinës, por mesfushori shqiptar është në formë shumë të mirë pasi ka realizuar 9 herë në 32 javë kampionat. Trajneri Reja ka rikthyer në kombëtare edhe Hysen Memollën, që tani luan për Salernitanën në Itali.

E diela do të jetë pushim dhe më pas të hënën, Edi Reja do të publikojë edhe listën përfundimtare kuqezinjve në konferencën që do të mbahet në Durrës./ Opinion.al

Pas