Daniel dhe Fotini ishin një nga çiftet më të dashur në shtëpinë e “Big Brother” ku u shpallën edhe fitues të edicionit të dashurisë. Të gjithë do i mbajnë mend si çifti që vendosi të martohej brenda shtëpisë duke mos e vënë në diskutim dashurinë e madhe.
Pas daljes nga shtëpia, dashuria e tyre vijoi të rritej dhe ata vendosën që më 20 nëntor të organizonin një ceremoni të vërtetë dasme me familjarët e tyre. Por duket se dasma nuk do të mbahet në këtë datë, pasi çifti ka vendosur ta anulojë. Këtë e kanë konfirmuar të dy duke u shprehur se kjo nuk ka lidhje me dashurinë e tyre pasi vijojnë të jenë po aq të lumtur. Dasma do të mbahet në një moment të dytë.
