Telenovela “Gruaja e Judës” gozhdoi përpara ekranit gjithë shqiptarët në fillim të viteve 2000. Ndryshe nga të gjithë telenovelat e tjera, kjo e fundit ishte e mbështjellur me mister, dhe kjo bëri që kureshtja të ishte e madhe. Atëherë nuk kishte rrjete sociale, dhe askush nuk e dinte fundin siç mund të ndodhë sot, dhe për të zbuluar se cila ishte Gruaja e Judës, ishim të detyruar ta ndiqnim deri në fund.
Por ndonëse kanë kaluar shumë vite, dhe shumë prej personazheve kryesore mund të jenë harruar, ne kemi vendosur t’iu rikthejmë pak pas në kohë dhe duke ju kujtuar edhe njëherë këta personazhe.
Chantal Baudaux – Ajo ka luajtur rolin e Glorias, dhe ishte një personazh kyç në serial. Sot aktoria është 38 vjeç, dhe realisht nuk ka ndryshuar fare nga 22 vjeçarja që ishte atëherë.
Astrid Carolina Herrera – Ajo luajti rolin e Altagracias, dhe në fund rezultoi të ishte edhe gruaja e Judës. Astrid sot është 53 vjeç, dhe duket se koha ka ndalur për të. Asokohe ajo ishte 38 vjeç.
Julie Restifo – Aktorja 59 vjeçare ka ndryshuar plotësisht sot. Atëherë ajo luajti rolin e Joaquina-s, dhe ishte një prej të dyshuarave kryesore si Gruaja e Judës.
Luis Gerardo Nuñez – Ai ishte gazetari Marcos dhe vëllai i priftit të vrarë i cili edhe pse e sulmoi pafundësisht Altagracian, përfundoi duke u dashuruar me të.
Juan Carlos García – Ai luante rolin e Salomón-it dhe personit me të cilin dashurohet Gloria. Një nga meshkujt më seksi të Venezuelës, i cili ende vijon ta ruajë këtë gjë.
Nacho Huett – Ai luajti rolin e Ismaelit, dhe i habiti të gjithë kur u shfaq si “gruaja” e Judës numër dy.
Gledys Ibarra – Marina Batista
Fedra López – Ricarda Araujo
