Vijojnë kërkimet për 14-vjeçarin që u fut dje për peshkim në lumin Seman por nuk është parë më. Sot ka dhënë një deklaratë për mediat vëllai i tij, i cili është shprehur se ata shkonin së bashku për të peshkuar, por ditën e djeshme i mitur kishte ikur i vetëm.
Vëllai i të miturit tregoi se kishte gjetur rrobat e tij në breg të lumit.
“Dilnim bashkë për të peshkuar, dje e lashë në gjumë dhe vetë dola. Pasdite gjeta rrobat e tij, në breg të lumit. Nuk e dimë se çfarë ka ndodhur. Këtu vinim bashkë për peshk dhe në një vend tjetër”, tha i vëllai.
