Partia Demokratike pas zyrtarizmit të marrëveshjes me mazhorancën ka vendosur të mbyllë në orën 19:00 “Çadrën e Lirisë”.
Kreu i PD-së, Lulzim Basha pritet që të mbajë edhe një fjalim në çadër. Ajo u hap më 18 shkurt dhe sot më 18 maj ajo mbyllet pasi e kreu misionin e saj.
Mazhoranca dhe opozita kanë arritur marrëveshjen politike, pas 3 muajve protestë që mbajti në çadrën para kryeministrisë, me kërkesën për të marrë garanci për zgjedhje të lira dhe të ndershme.
Kreu i qeverisë dhe lideri demokrat u takuan në një sallë të kryesisë së Kuvendit prej orës 22:00 të ditës së djeshme, ku dolën rreth orës 01:15, me një marrëveshje politike që do t’i japë fund krizës në vend, me futjen e opozitës në zgjedhje.
