Kur në seancën e fundit plenare për këtë sesion parlamentar pritet të kalojnëë për votim disa projektiligje që kanë lidhje me Reformën në Drejtësi si Projekligji për magjistratët e rinj si edhe për Gjykatën Kushtetuese, burime nga Selia Blu deklarojnë se Partia Demokratike nuk do të marrin pjesë sot në Kuvend.
Mospjesëmarrja sot e Partisë Demokratike në këtë seancë do ti bënte të pamundura votimen e projektligjeve për të cilin do të duhet 84 vota për të plotësuar kuorumin e nevojshëm.
Më herët në nisje te seancës, deputeti i LSI-së, Luan Rama propozoi qe Parlamenti të mos merrte sot pushimet, por të mblidhej edhe gjatë gushtit derisa te gjendet konsensusi mes maxhorancës dhe opozitës per miratimin e ligjit të Reformës në Drejtësi.
“Eshtë i domosdoshëm takimi i aktorëve parlamentarë në këtë moment. Ju kërkoj ju si kryetar i Kuvendit ta zgjidhni këtë situatë. Nuk është problem vetëm çështja e magjistratëve, por është problem shumë i madh Gjykata Kushtetuese. Kuvendi duhet të mos shpërndahet derisa të zgjidhen problemet e Reformës në Drejtësi”, tha Luan Rama.
Mosdakordësimi i sotëm për votimin e projektligjeve për Reformën në Drejtësi midis maxhorancës dhe opozitës, do të thotë që këto projektligje do të mbeten në shtator e më tej për tu votuar, nëse sigurisht do të gjendet gjuha e përbashkët.
