Drejtoresha e COD në Kryeministri Falma Fshazi ka dhënë dorëheqjen nga detyra. Lajmin e ka bërë publik vetë znj. Fshazi përmes disa postimeve në Twitter, raporton Opinion.al.
Ajo shkruan: “Ka qene një ëndërr që gati askush si besonte, nje pune e pafund, pa pushim real as në maternitet. Por duhet nje pike a presje per çdo gje gjithsesi, e njeren nga keto e vura sot si drejtor i pergjithshem i COD. Per çdo gje ju lutem vijoni me ekipin!”.
Më tej ajo lë të nënkuptuar se do nisë një punë tjetër që e cilëson historike, por që detajet do të dalin më vonë…
Nuk ka ende një motivacion për largimin e saj nga Kryeministria, por znj. Fshazi ka qenë ndër emërimet e para të Kryeministrit Rama në mandatin e parë qeverisës.
Pak biografi
Falma Fshazi ka ardhur nga Franca, ku ishte kërkuese e asociuar në Ecole des Hautes Etudes en Sciences Sociales dhe mban gradën Doktor. U bë pjesë e stafit të Kryeministrisë që nga shtatori i vitit 2013, kur drejtonte Njësinë e Hulumtimit dhe të Komunikimit. Fatma Fshazi ka drejtuar dhe projektin e krijimit të Qendrës për Hapje dhe Dialog, nga marsi 2014 deri në tetor 2015 kur u emërua drejtore e përgjithshme e COD. Detyrë që e mbajti deri më tani, gusht 2017. /Opinion.al
