Një ngjarje e rëndë ka ndodhur mbasditen e sotme në Fushë – Kamëz, ku shoferi i një betoniereje ka humbur jetën gjatë kontakti me rrymën elektrike. Sipas burimeve të Policisë, rreth orës 17:30, në Kodër Kamëz, në banesën e shtetasit K. T., ka gjetur vdekjen shtetasi B. Gj., rreth 35 vjeç, pasi ka rënë në kontakt me energjinë elektrike.
Nga hetimet paraprake shtetasi B. Gj. ishte shofer i një betoniereje dhe duke bërë manovrime me mjetin betonjere për të kryer hedhjen e betonit në banesën në të cilën po punonin, dyshohet se nga një manovrim i gabuar ka rënë në kontakt me një kabëll korenti dhe për pasojë ka gjetur vdekjen e menjëhershme.
Grupi hetimor po punon për sqarimin e plotë të rrethanave të ngjarjes.
