Kronikë

Dyshohet se u konfliktuan për pronën, detaje nga vrasja në Vlorë


Bëhu pjesë e Grupit Zyrtar të Opinion.al
>> KËTU <<
               Publikuar në : 20:07 - 25/10/21 |
Opi Nion

Janë zbardhur të tjera detaje lidhur me krimin e dyfishtë në fshatin Mekat të Vlorës, ku nipi 39-vjeçar Genci Koreta vrau me armë gjahu xhaxhain e tij, Jorgji Koreta, 64-vjeç dhe më pas u vetëvra.

Dyshohet se xhaxhai dhe nipi janë konfliktuar për motive pronësie, ata kanë pasur fillimisht debate të forta dhe më pas është përdorur arma e zjarrit.

Fqinjët dëshmojnë se nuk kanë pasur dijeni për debate mes tyre, teksa thonë se 64-vjeçari ka jetuar në Vlorë dhe sot kishte mbërritur në fshatin Mekat.

 “Nuk di gjë fare çfarë ka ndodhur, në televizor po e dëgjojmë. I njohim të dy, më vjen keq për djalin, i pamartuar, është gati 40 vjeç”, u shpreh fqinja e viktimave.

“Nuk e di fare për çfarë kanë debatuar. Djali ishte me të gjitha cilësitë, por ishte i pamartuar. Xhaxhai i tij rri me gruan në shtëpi. Jemi një fis me ta. Nuk kemi pasur asnjë ide për debate. Ai nuk fliste me gojë, jo të kishte debate. Xhaxhai jetonte në Vlorë, por nuk e dimë pse ka ardhur sot, mbase për të parë”, tha mes lotësh një fqinje tjetër.

Ngjarja e rëndë ndodhi pak më parë në fshatin Mekat të Vlorës, ku nipi shkoi i armatosur me armë gjahu në banesën e xhaxhait të tij, dhe pas një konflikti verbal me të, e qëlloi dy herë, duke e lënë të vdekur në vend. Menjëherë pas vrasjes së tij, ai ka dalë nga banesa dhe në gjendje të rënduar ka qëlluar për vdekje edhe veten./ Opinion.al

Pas