Aktori i njohur amerikan Michael K Williams, i njohur për rolin e tij në serialin dramatik “The Wirë”, është gjetur i vdekur në apartamentin e tij në Nju Jork.
Bëhet me dije se ai ka ndërruar jetë në moshën 54-vjeçare.
Mediat amerikane shkruajnë se dyshohet se vdekja e aktorit është shkaktuar nga një mbidozë e dyshuar droge. Por kjo nuk është konfirmuar zyrtarisht.
Williams – i cili ishte i nominuar për tre çmime Emmy – kishte folur hapur ndër vite për luftën e tij me drogën.
Në “The Wire”, ai luajti rolin e Omar Little, një homoseksual gay, hajdut i rrugës dhe i bandave të drogës.
Zëdhënësi i Departamentit të Policisë së Nju Jorkut, John Grimpel tha se policia shkoi në apartamentin e Williams në Brooklyn pasi mori një telefonatë urgjence në orën 14:00 me orën lokale të hënën (18:00 GMT).
Williams ka qenë i njohur për rolet e tij në filmat “The Road”, “Inherent Vice” dhe “12 Years A Slave”./Opinion.al
