Bota

Dyshimi/Vetëm 38 persona u testuan për vaksinën ruse, dha efekte anësore


Bëhu pjesë e Grupit Zyrtar të Opinion.al
>> KËTU <<
               Publikuar në : 11:43 - 12/08/20 |
Opi Nion

Vaksina e Vladimir Putin për koronavirusin është testuar në vetëm 38 persona dhe ka shkaktuar efekte anësore si temperatura apo të vjellat. Kështu shkruan gazetari Will Stweart për Daily Mail, duke cituar dokumente zyrtare ruse, pas deklaratës së presidentit Putin për krijimin e të parës vaksine në botë kundër Covid 19.

Vaksina e trumpetuar e Rusisë u regjistrua pas vetëm 42 ditë kërkimesh dhe efikasiteti i saj është i panjohur, shkruan Daily Mail duke cituar median ruse Fontanka.

Një nga dokumentet e përdorura në regjistrim thotë se nuk ka studime klinike për të parë efektet epidemiologjike, pavarësisht se Putin tha që janë kryer të gjitha testet e nevojshme. Ka gjithashtu pikëpyetje lidhur me aftësinë e vaksinës për të krijuar antitrupa të mjaftueshëm edhe pse Putin tha që e bija e kishte injektuar. (Ne foto, Maria, vajza e Putin)

“Në 38 vullnetarët e rritur ku është injektuar, janë regjistruar 144 momente të ndryshme mospërshtatshmërie. Shumica prej tyre kaluan pa pasoja, por 31 nga efektet anësore vijonin edhe në ditën e 42-të të injektimit. Mes efekteve anësore ishin djersitja, dhimbjet, temperature e lartë dhe acarim në vendin e injektimit. Si sjellje të zakonshme u manifestua edhe humbja e energjisë, rënia e oreksit, dhimbja e kokës, diharrea, skuqja e fytit apo rrjedhja e hundëve.

Testet treguan se në ditën e 42-të të vaksinimit, vullnetarët kishin nivele të ulëta antitrupash dhe poshtë mesatares”, shkruan Daily Mail.

Rusia e ka kthyer garën e vaksinës në një çështje të prestigjit kombëtar duke e quajtur produktin me emrin ‘Sputnik V’ sipas satelitëve të ish- Bashkimit Sovjetik.  Shkencëtarët e kanë kritikuar nxitimin e Putinit duke thënë se një vaksinë e rrezikshme do e përkeqësonte pandeminë./Opinion.al

Pas