Bashkia e Tiranës është duke investuar në Impiantin e Bovillës, ndërsa në një njoftim të UKT bëhet me dije se do të realizohet dyfishimi i kapacitetit.
“Do të çojmë në 30 mijë metra kub, depozitën e ujit, duke dyfishuar kapacitetin total! Ndërtimi i të gjithë skemës ndihmëse dhe plotësuese (flokulator, filtër, dhoma manovrimi, përpunimi i baltës etj) për trajtimin dhe përpunimin e ujit. Arsyeja e këtij investimi?
– Përmirësim/Përshpejtim i furnizimit me ujë, në mënyrë që territoret e Tiranës të furnizohen 24 orë në 24!!! – Rritja e standardeve të cilësisë së ujit, që do të përshtatet me standardet e Bashkimit Europian”, thuhet në njoftimin e UKT-së.
Në vitin 2019 kapaciteti në Bovillë u rrit nga 1800 litër ujë për sekondë në 2400 litra (56 milion m³). Ndërkohë që me ndërhyrjen që po realizohet, kapaciteti do të arrijë në 3600 litra ujë në sekondë ose 112 milionë m³.
një ndër investimet më të mëdha që ka ndërmarrë aktualisht Ujësjellës Kanalizime Tiranë, në partneritet me Agjencinë Kombëtare të Ujësjellës Kanalizime.
