Presidentja e Komisionit Evropian, Ursula von der Leyen, ka vizituar kryeqytetin ukrainas Kiev për të shënuar përvjetorin e dytë të luftës midis Kievit dhe Moskës.
“Më shumë se kurrë, ne qëndrojmë fort pranë Ukrainës. Financiarisht, ekonomikisht, ushtarakisht dhe moralisht. Derisa vendi të jetë më në fund i lirë”, shkroi von der Leyen në rrjete sociale.
Gjatë vizitës së saj, ajo i dorëzoi policisë ukrainase edhe 50 automjete të reja të financuara nga Bashkimi Evropian.
“Ata do t’i ndihmojnë ato në punën e tyre të përditshme. Për të sjellë siguri dhe stabilitet në territoret e çliruara nga Forcat e Armatosura të guximshme të Ukrainës dhe për të mbështetur popullsinë. Ky është solidariteti i BE-së në veprim”, tha von der Leyen.
Dita e sotme shënon dy vite që kur Rusia nisi luftën e saj kundër Ukrainës dhe gjithashtu 10 vjet që kur Rusia aneksoi ilegalisht gadishullin e Krimesë së Ukrainës dhe qytetin Sevastopol./Opinion.al
